പാലക്കാട്: പുതിയ സാമ്പത്തിക വര്ഷം വിവിധ മേഖലകളില് നികുതി വര്ധവ് പ്രാബല്യത്തില് വരുന്നതിനൊപ്പം ടോള് നിരക്കിലും വര്ധനവ്. ദേശീയപാതകളിലെ ടോള് നിരക്ക് വര്ധിപ്പിച്ചു. 10 രൂപ മുതല് 65 രൂപ വരെയാണ് ഇന്ന് മുതല് അധികം നല്കേണ്ടത്. സംസ്ഥാനത്തെ വിവിധ റോഡുകളില് 10 ശതമാനം വരെയാണ് ടോള് നിരക്ക് കൂട്ടിയത്. തൃശൂര് പാലിയേക്കര ടോള് പ്ലാസയില് നിരക്ക് വര്ധനയില്ല. പന്നിയങ്കര ടോള് പ്ലാസയില് നിരക്ക് വര്ധന പ്രാബല്യത്തില് വന്നു.
കാര്, ജീപ്പ്, തുടങ്ങിയ ചെറിയ വാഹനങ്ങള് കടന്നുപോകാന് ഇനി മുതല് 100 രൂപ നല്കണം. മടക്ക യാത്രക്കുള്പ്പെടെ 150 രൂപയാണ് ടോള് നിരക്ക്. ചെറിയ ബസ്, ചെറിയ ചരക്ക് വാഹനങ്ങള് എന്നിവയ്ക്ക് 155 രൂപയും, ഇരുഭാഗത്തേക്കും വരുന്നത് 230 രൂപയുമായി ഉയര്ത്തി. വലിയ ബസ്, ട്രക്ക് എന്നിവയ്ക്ക് 310 രൂപയും ഇരുഭാഗത്തേക്കുമായി 710 രൂപയും ഇനി മുതല് നല്കണം. അതേ സമയം 50 തവണ യാത്ര ചെയ്യാന് പാസിന് 10355 രൂപ നല്കേണ്ടി വരും. വാളയാറിലും ടോള് നിരക്ക് വര്ധിപ്പിച്ചു. പത്ത് രൂപ മുതല് 65 രൂപവരെയാണ് കൂടിയത്. കാറുകള്ക്ക് ഇരു ഭാഗങ്ങളിലേക്കും 135 എന്ന പഴയ നിരക്ക് തന്നെയാണ്. ബസ്,ലോറി എന്നിവക്ക് 65 രൂപ വരെ കൂടി.
